निनावी आणि नग्न

येशील का परतुनी तू
प्राण हा दुभागाला
एक होता एक राहील
आभास केवळ राहिला

सत्यता जी प्राप्त झाली
स्वीकार्यता नाही तिला
दाटला तो आवाज माझा
आज आसमंती साठला

येशील का परतुनी तू
सिद्धता ती द्यायला
देशभक्ती, देशप्रेमाचे
प्रमाण द्यायला

हत्यारा ही आज इथे
देशभक्त ठरू लागला
अन देशभक्तीवर माझ्या
धर्माचा शिक्का लादला

येशील का परतुनी तू
आहुती पुनः द्यायला
आहुतीला रे पित्या तव
निरर्थ केवळ राहिला

सांडलेल्या तुझ्या लहुची
साक्ष घेऊन सांगतो
थिजणार न भिणार आता
आवाज मम् नादावतो

दुभंगून जाईल धरती
आसमान ही कापेल रे
ह्या ध्वनीचा नाद होता
मग तो ही तर बिथरेल रे

मग येतील त्या तख्तावरूनी
आदेश आम्हा डांबण्याचे
अनंतात विरला ध्वनी
डांबूनी थिजनार नाही

– नियाज मुलाणी