ती कोण होती?

मला लोक नेहमी विचारतात
ती कोण होती?

ती होती कलाकार
लांबट केस काळेशार
एकच बट गालावर
खट्याळ थोडी सुंदर फार

कुंचले हे शस्त्र तिचे
कमरेत रोवून ही तयार
पॅलेट वरचे रंग जणू
कुंचल्याना लावती धार

ही धार थोडी वेगळी असते
ती असते मऊशार
कधी लाल कधी निळी
कधी नुसती हिरवीगार

कुंचल्यांचे फटके तिचे
अहो किती रंगतदार
फिक्या फिक्या आयुष्याला
लावते चांदण्या तीन चार

माझाही आयुष्य होत
कॅनव्हासपरी फिकं फार
पंढर्यातून रंगीत केलं, तिने
मारून हात तीन चार

जीण जरी माझं होतं
त्यात तिचे प्राण फार
रंगीत केलं जग माझं
कारण ती होती कलाकार

नियाज मुलाणी