मी जिवंत आहे…

हसण्यात माझ्या
रडण्यात माझ्या
सुखात माझ्या
दुःखात माझ्या
मी जिवंत आहे
जगण्यात माझ्या

जरासा कटू मी
जरासा मी स्वार्थी
असंयमी तसा मी
हळवा त्या अर्थी
पण स्वभावात माझ्या
मी जिवंत आहे

राग ही जरासा
भयभीत ही होतो
कधी चिंतीत असतो
कधी प्रीतीत असतो
पण भावनात माझ्या
मी जिवंत आहे

शब्दात माझ्या
कवितेत माझ्या
माणसात माझ्या
मरणात माझ्या
मी जिवंत आहे
जगण्यात माझ्या

– नियाज मुलाणी

2 thoughts on “मी जिवंत आहे…”

Leave a Reply

Create your own website, free on WordPress.com.Create your own website.
Start free